اضحك كركر اوعى تفكر

من طرف **dndn** 9/3/2007, 12:40

السلام عليكم ورحمة الله وبركاته

واحد بلدياتنا معدى على صوان كبير فبيسأل : هو فى ايه؟؟؟؟
قالوا : ده اربعين واحد ميت
قال :يانهار ازرج اربعين واحد ماتوا فى ليله واحده
قالوا : لا ده واحد مات من اربعين يوم
قال : يا نهار ازرج ولسه دفنينه النهارده؟
قالوا : لأ يا بلدينا دول دفنوه من اربعين يوم
قال : يا نهار ازرج ولسه جاعدين لحد النهارده
Evil or Very Mad

واحد دخل فندق 5 نجوم فى فرح وحب يدخل الحمام فبيسأل واحده فى الفرح وهو مكسوف جدا وبيوشوشها فى ودنها:
هو التلاوت منين؟
البنت ضحكت وقالتله اه تقصد التواليت ؟ من الناحيه التانيه
فلف لودنها التانيه ووشوشها هو التلاوت منين؟
Evil or Very Mad

واحد بلدياتنا لقى ابنه بيعيط راح سأله مالك ياولدى ؟
قاله مش عارف يابوى لما اصحابى يكبروا هلعب مع مين؟
Evil or Very Mad

واحد بيقول لابنه :
رايح فين؟
قاله :حدايج الجبه
رجع بالليل دماغه مفتوحه
ابوه سأله مالك؟
قاله ضايجت الجبه اخوها ضربنى
سعيد

الولد : آبا .. انا حلمت انى دست على جزازه ورجلى اتفتحت
ابوه : احسن ......... عشان تبطل تنام حافى
سعيد

الولد : آبا ..... هى جبال الالب فين؟
ابوه : اسأل امك هى اللى ما بتحطش الحاجه فى مكانها
سعيد

واحد بلدياتنا حب يعمل روش زى اصحابه راح للكوافير وعمل قصه جميلة جدا وعجبته اوى
فبيسأل الكوافير ازاى احافظ على القصه دى عشان ماتبوظش؟
قاله طول ما انت بعيد عن الميه مش هتبوظ
راح له بعد اسبوع وقال له : الحجنى ــــ عطشـــــــــــان ـــــ هموت
سعيد

بلدياتنا كان واقف حرس فى الجيش وكل شويه الصول ييجى يسأله اللواء جه؟
يقول له لا لسه ماجاش
المهم فى عربيه وقفت وواحد بص منها وقاله افتح يابنى لسيادة اللوا
قاله هو انت اللوا بجى ؟
طب خش استلجى وعدك يا حلو الصول سأل عليك ييجى 100 مرة دا شكله هيدبحك